Milladoiro, 30 marabillosos anos

Descarga ao vivo, da Habana para Galiza

A MÚSICA GALEGA NACEU EN CUBA… E POR FIN CHEGA A GALIZA!
Os xardíns da Tropical na Habana foron escenario das festas galegas nas que as jotas e muiñeiras se foron mesturando coas rumbas, as guajiras, as habaneras...
Así se construiu o espectáculo da Descarga ao vivo

O ESPECTÁCULO QUE FUSIONA A MÚSICA GALEGA E A CUBANA

Unha investigación musical de Ramom Pinheiro Almuinha da que xorde un libro: A la Habana quiero ir. La música gallega en Cuba (Sotelo Blanco, 2009). Un repertorio emblemático, nalgúns casos inédito e noutros longamente esquecido.

Unha orquesta mixta, cuns arranxos entre o jazz latino e o folque europeo. Un elenco musical de excepción dirixido artisticamente por Ramom Pinheiro e con tres directores musicais:

Alejandro Vargas. Profesor do ISA (Instituto Superior de Artes) de Cuba, compositor e arranxista. Con “Trapiche” recibiu o premio Cubadisco ao mellor disco de jazz en 2008.

Pedro Pascual. Profesor de acordeón diatónico na Central Folque. Compositor, arranxista, produtor musical e músico de Marful e Talabarte Trío.

Marcos Teira. Compositor, arranxista e recoñecido intérprete de guitarra flamenca. Músico de Marful, Narf e U-lo trío. Vén de sacar o seu segundo disco Alí.

Chega a Galiza o espectáculo que fusiona a música galega e a cubana. Os teatros vibrarán ao son do danzón e da guajira, da muiñeira e da Habanera. Un espectáculo “esquisito, impactante, diferente!”

23 xul 2009 22:30. Teatro Rosalía de Castro A Coruña, Coruña
25 xul 2009 22:00. Festigal Santiago de Compostela, Coruña
30 xul 2009 20:30. Teatro Caixanova de Vigo Vigo, Pontevedra

Intérpretes:

Alejandro Vargas (piano e teclados)
Raciel Jiménez (batería)
José Manuel Díaz (contrabaixo)
Adonis Ríos (percusións)
Pedro Pascual (acordeón diatónico e bouzouki)
Marcos Teira (guitarra flamenca)
Edelmiro Fernández (gaita)
Quim Farinha (violín)
Óscar Fernández (zanfona)
Xabier Díaz (voz e percusión)
Pablo Castanho (saxo)
Ugia Pedreira (voz)
Guadi Galego (voz)
Pablo Pascual (clarinete baixo)
Gutier Álvarez (violín)

Màis info aquì

Susana Seivane e a Banda Municipal da Coruña

O pasado domingo 28 de xuño, a gaiteira de Cambre, Susana Seivane, interpretòu vàrias pezas do seu repertorio acompañada pola Banda Municipal da cidade da Coruña.

Ademàis a caba de sacar o seu novo disco titulado "Os soños que volven", donde interpreta canciòns que aprendeu desde os tres anos, no que o seu avò e o seu pai comezaron a ensinarlle a tocar a gaita.

Agora con algùns aniños màis, toca como os anxos, velaiquí unha mostriña dese concerto.

Desfrutàdeas:

Berrogüetto: xira 2009

O grupo Berrogüetto comeza a xira no que presentará algún dos temas do novo disco, o cal verá a súa saída a finais de ano.

Berrogüetto - Deneb


Apuntade estas datas para achegarvos a desfrutar da súa música:

18 xullo 2009 O Grove Pontevedra
25 xullo 2009 Ponte da Barca Portugal
1, 2 e 3 agosto 2009 Lorient, Bretagne
8 ago 2009 A Cañiza Pontevedra
11 ago 2009 Viveiro Lugo
16 ago 2009 Pontevedra Pontevedra

Agardemos que poidan achegarse tamén á Coruña ou algo pretiño.

Tradicción, novo disco de Nova Galega de Danza

O vindeiro martes 16 as 12,30 na Postrería (Pr. de Sta Catalina, na Coruña) preséntase este precioso traballo, e moi esperado por certo, da compañía de Danza desta cidade.

Neste cd inclúese un limiar escrito por Candido Pazó, acompañándo as cancións arranxadas por Pedro Lamas e interpretadas por unha grande selección de músicos deste país.

Recentemento foron premiados cos XXXII PREMIOS DA CRÍTICA DE GALICIA  2009 no apartado de  “Ciencias e Artes da Representación”



a sua web

A volta da Inquisición a Galicia, por Manuel Rivas

Despois dunha tempada de descuberta da rede de gabinetes clandestinos e agochos con salas cibernéticas e xardinciños zen onde celebraba os seus aquelarres a Antiga Coalición (Ano IV, after Fraga e before Feijóo), a nova Xunta emprendeu unha nova fase de exploracións que deu lugar a outra xeira de insólitos achados: os fatídicos BB ou buracos bipartitos.

Non eran nin un nin dous. Galicia enteira era unha peneira. Sen ser advertidos nin sequera polos máis aleutos, durante a Antiga Coalición os galegos estabamos en terra perigosa e minada, desprazándonos sen sabelo por un país furado de arriba abaixo.. Segundo nos ilustra cada día o mando do OFG (Observatorio de Furados Galegos), estes buracos bipartitos teñen unha feitura especial que os asemella aos chamados buracos negros do Universo. Non é casual que un dos seus principais estudosos, o célebre científico Stephen Hawking, pasara por Galicia xusto pouco antes de producirse a caída da Antiga Coalición.

A descrición que fai Hawking de como se forma un buraco negro corresponde con absoluta precisión ao sucedido na recente historia política de Galicia. En primeiro lugar, prodúcese pola perda dunha xigante vermella (estrela de gran masa), coa progresiva extinción da súa enerxía. A continuación, e resumindo a Hawking, o antigo astro, e por mor da forza gravitatoria, deriva nunha masa de pequeno volume (a chamada anana branca) que é a que provoca, no seu colapso por auto atracción, o buraco negro. Como quen di, unha escuridade que mesmo apreixa a súa propia luz.

Mais unha cousa é que a caída dunha estrela electoral provoque un buraco negro ou dous na galaxia política e outra moi diferente é esta orxía de buracos. Cada día que pasa, o Observatorio de Furados infórmannos de achados de buracos supermasivos no hiperespazo galego. Na primeira versión, a que subliñan os informativos, como é lóxico, o Buraco do Día acada dimensións inmensurábeis.

-Este si que é un buraco, señores, e non o do rei Cintolo!

Mais ao día seguinte, o Gran Buraco desaparece. E aí é onde entra a segunda parte deste asunto astrofísico. Os chamados buracos brancos. Este tipo de buracos son aqueles que non existen aínda que puideran existir. Ou sexa, un buraco branco é unha hipótese de buraco. Esa é a marabillosa avantaxe da política de furados. Un día hai buraco e ao seguinte, non. E O Buraqueiro sempre pode dicir: "Os buracos non existen, mais habelos hainos".

Así que o novo Goberno segue felizmente hiperactivo. O que teñen os buracos é que poden converterse tamén nun vicio. Ademais de querer atopalos un pode levarse do entusiasmo de facer buracos. Tristes buracos. "Obscenos buracos", que dicía Jean-Paul Sartre. O máis grande buraco negro é o que os reaccionarios queren facer coa lingua galega.

Despois do esperpento do documental das Vacas tolas, reconvertidas pola TVG en extras de Clint Eastwood, un dos exemplos máis escandalosos é o que vén de suceder na Radio Galega con Xurxo Souto e o seu programa Aberto por reformas. Aproveitando o cambio político, prescíndese del e, ao tempo, baleirase de sentido un programa esencial, o único que se dedicaba en exclusiva a difundir a música emerxente galega.

Quen non quere a Xurxo Souto? Dende logo non pode non querelo quen o coñeza. Á parte de amizade, falo aquí do "querer" como sinónimo de "pór en valor". Souto foi o alma mater de Os Diplomáticos de Monte Alto e o maxín que fixo levedar o movemento bravú, ese vento de música moza, desacomplexada, rebuldeira, que se ergueu en aldeas, vilas e barrios urbanos, que rachou fronteiras e tópicos ao berro tan rosaliano de "ghaiteiro!". Souto foi tamén quen escribiu os mellores libros sobre ese tempo onde se relata a redescuberta xuvenil dos espazos vizosos da cultura popular. O campo da festa ás tabernas, do futbolín á selección galega. Fixo renacer mitos esquecidos como Pucho Boedo, Alexandro Fisterra ou Urbano Lugrís. Mostra da súa profesionalidade no eido da televisión foi o seu traballo na mellor época de Luar e documentais imprescindíbeis como o que relata a vida do líder de Os Tamara. Na prensa, as súas inesquecíbeis páxinas dominicais da cultura popular en La Opinión. Na radio, fixo d'A tropa da tralla (Radio Coruña) un dos referentes na historia radiofónica galega. E cando se incorporou á Radio Galega, hai catro anos, creou, entre outras cousas, un programa que era tamén o habitat máis agardado. Un lugar para a música máis nova. Algo que incribelmente non existía na radio pública que isto ten por mandato: "A programación debe de estar inspirada na promoción e difusión da cultura e lingua galega" (Artigo 16 da lei 9/1984 da RTVG).

Con Aberto por reformas, Xurxo Souto fixo un programa legal en todos os sentidos. Tamén no coloquial que lle dá a xente nova. Algo do que fiarse. Algo que paga a pena. Reconciliou a música e os músicos do país co medio que os tiña marxinados. Viñeron as eleccións, houbo o cambio político, e expulsaron a Xurxo. De cesante. Como fixeron con Curros noutro século, non por ser mal xornalista senón por ir ás ceibas. En vez de facerlle sitio, fixéronlle un buraco. Unha represalia contra un universo cultural. Un home expulsado por ter talento. Unha subtracción que nos fan. Mentres escribo este artigo, chegan noticias de que a Comisión Episcopal da Fe vai condenar a obra de Andrés Torres Queiruga, o noso máis grande teólogo xunto con Chao Rego. Neste flashback reaccionario, anda a Inquisición á caza de Prisciliano.

Hai en Galicia unha música emerxente extraordinaria. Unha auténtica enxurrada creativa. Agroma e fertiliza malia estas adversidades que veñen dos que máis deberían crear condicións para espallarse como voz da cultura e consolidar unha industria. Velaí temos, só por citar algúns, Lamatumbá, Som do Galpom (Qué disco Em terra de ninguém!), Zënzar (Que disco A tribu!), as coruñesas de Chámalle Xis ou Cho toco eu ou a rapeira viguesa Aid.

Disque hai un buraco por galego. Mais a xente moza, a que respira a liberdade, a que non acepta a nova "doma e castración", non acepta meterse nos buracos prefabricados. Ducias de grupos, asociacións culturais, e centos de artistas e músicos veñen de promover un Manifesto Básico pola Defensa da RTVG: Contra a censura e a marxinación da música galega. A páxina web Komunikando.net é un bo lugar de visita para informarse desta iniciativa e, ao tempo, pórse ao día cos abrollos máis novos da música feita en Galicia. Como na canción de Zënzar, que canta Bocixa: "Non falamos por falar / o noso pensamento non o van gobernar".

Benzón, o novo disco de Guadi Galego

Video de presentación e páxina web

Videos de Nordestinas na Coruña

Nestes videos poderedes ver e escoitar catro cancións do grupo Nordestinas composto por Guadi Galego, Ugía Pedreira e Abe Rábade.

A actuación foi grabada no recinto de Expocoruña en febreiro de 2009, no marco da feira de artesanía MOA.

Teatro en Los Rosales: "A Lingua das Volvoretas"

Los vecinos de Los Rosales somos muy afortunados en muchos aspectos comparados con otros barrios de nuestra ciudad, pero sobre todo porque tenemos una pequeña gran sala de teatro entre nosotros "Teatro del Andamio". Este teatro se caracteriza por ser el único de Galicia en dedicarse al teatro infantil, es raro el fin de semana que no tengan funciones sábado y domingo orientadas a los más pequeños, pero desde hace algo más de un mes también los adultos tenemos cabida, los viernes representan "A lingua das bolboretas". Lo primero que pensé cuando entré para asistir a esta representación fue ¿Cómo es posible que en este escenario y con dos actores se pueda narrar la historia de Pardal, de su profesor D. Gregorio, del fin de la república, el principio de la guerra....? Después de 5 minutos de función aparecen todos esos personajes encarnados en uno de los mejores actores que he visto trabajar últimamente, Alvaro Guevara.El único pero es que las luces se encienden demasiado pronto cuando cae el telón, y muchos de nosotros aún no nos hemos recuperado del fantástico monólogo de esta gran obra. Animo a todos a disfrutar de esta representación los próximos viernes 3 y 17 de abril.

+ información: http://www.teatrodelandamio.com/

Fdo. Vecina de Los Rosales

Som do Galpón: Novo Disco e presentaciòn no Mardigràs

"En terra de ninguén" é o primeiro disco destes rapaces que mesturan o funky, o reggae e o rap con este acento galego que marca un estilo propio e orixinal.
Ainda que eles non o digan, tamén teñen moito de folk e de mùsica tradicional, xa que o seus ritmos latexan nos nosos coraçoes.

O vindeiro 17 de abril estaràn na Mardigràs, no infindo barrio de Monte Alto, pertiño do Campo de Marte para dar o seu arte e compartillar as sùas cançoes con nós.



Alì estaremos, e mentras tedes uns retaliños da sùa arte neste video:

e se non tedes eiquì as datas dos seus vindeiros concertos por todo o paìs e parte do extranxeiro:

10 abr 2009 22:00 Café del teatre del Lleida Lleida
11 abr 2009 20:30 Fnac San Agustín Valéncia
17 abr 2009 23:00 Sala Mardigras A Coruña
18 abr 2009 23:00 Sala Babel Lugo
24 abr 2009 22:30 Sala Musutruk Guernica, Euskadi
25 abr 2009 20:00 Fnac Principado Oviedo, Asturias
1 may 2009 20:00 Fnac Gaia Shopping Oporto
2 may 2009 20:00 Fnac Sta Catarina Oporto
2 may 2009 22:00 Fnac Mar Shopping Matosinhos
9 may 2009 23:00 Auriense Ourense
15 may 2009 0:00 Festival das Letras Galegas Padron
21 may 2009 22:00 Sala Nasa Compostela, Coruña
22 may 2009 23:00 Sala Costello Madrid
23 may 2009 23:00 Sala Contraclub Madrid
29 may 2009 22:30 La fábrica de Chocolate Vigo, Pontevedra
30 may 2009 23:00 Sala Rum Rum Ferrol, Coruña
4 jun 2009 20:00 Fnac A Coruña A Coruña
5 sep 2009 23:00 Pub Garufa Coruña, Coruña
12 sep 2009 23:30 O Con do Moucho A Illa de Arousa, Coruña
18 sep 2009 23:30 Pub Marucho Baoina, Pontevedra
26 sep 2009 20:00 Pub Leblón Pontecaldelas, Pontevedra
2 oct 2009 0:30 Sala 600 Melide, Coruña
9 oct 2009 0:00 Sala Baranda O Barco de Valdeorras, Ourense
16 oct 2009 0:30 Cafe Concerto Antano Serra de Outes, Coruña
30 oct 2009 23:00 Bar Patos Nigrán, Pontevedra

màis info

Prendeu no noso corazón

Xota de Ribeira de Piquin

Oliveira do pé d´ouro
Bota ramiños de prata
Tomar amores non custa,
olvidalos si que mata.
Que o teu amor non custa, corazón,
olvidalo si que mata.
Salgueiro prende de póla
amieiro polo pé.
Tamen prenden os meus ollos
no teu corazón, muller.
Tamén prendeu a lúa e prende o sol
prenden no meu corazón.
Tamén prendeu a lúa e prende o sol
prenden no meu corazón.

Prende no meu corazón....



Que desfrutedes da boa música

Obradoiros audiovisuais para nenos no CULTUR.GAL

Os nenos que asistan ao cultur.gal poderan asistir a unha chea de actividades e obradoiros relacionados co teatro, o cine, a poesía, a música....

Durante todos eses días os rapaces teran obradoiros de experimentación en dobraxe cinematográfica; de técnicas de animación empregando bonecos de plastilina, de maquillaxe; ademáis haberá contacontos, representacións teatrais, monicreques, xincanas poetico musicais, obradoiros de música para os cativos, etc...

O fin de festa será a presentacion da xira do Xabarín Club, o domingo pola tarde.


Neste enlace terás todo o programa polo miúdo.

Dios ke te Crew no Cultur.Gal

Na feira do cultur.gal os rapaces de 13-16 anos terán a oportunidade de participar nus obradoiros de hip hop, nos que o Garcia do colectivo de Ordes Dios ke te Crew ensinarálles os fundamentos deste estilo musical, adaptado as nosas costumes por eles.
Aqui tedes unha pequena escolma das suas cancións, se seguides vendo os videos relacionados que aparecen despois de éste, titulado "Extranxeiros", no que desenvolven as suas inquedanzas sobre o fenómeno da inmigración.

Este fin de semana na Coruña: CULTUR.GAL

Unha pasada o que vamos a poder vivir en Palexco os proximos dias 4, 5 6 e 7 de decembro.



Atoparemonos alí toda a creatividade galega.

Libros, discos, filmes...
En Cultur.gal teremos a mellor literatura, a música emerxente de todos os estilos,a rica produción audiovisual, as artes escénicas, as novas tecnoloxías...
Todos os produtos e servizos que crean, distribúen, promocionan e ofrecen
as industrias culturais galegas.

En Cultur.gal 08 participaran arredor de 100 empresas, entre editoriais, librarías, empresas de xestión cultural, de novas tecnoloxías, produtoras e distribuidoras musicais, discográficas, produtoras audiovisuais, de artes escénicas, empresas de deseño, de comunicación, etc.

Haberá ademáis varias programacións dentro desta macrofeira cultural.

Panorama Galiza 2008.
Programación audiovisual ininterrompida durante os catros días de feira, nos cales proxectaranse ao redor de 100 títulos das producións
audiovisuais galegas máis actuais, tanto longametraxes coma curtametraxes,
de ficción, animación e documental. Baixo o epígrafe Panorama Galiza farase
un repaso completo das creacións do 2007 e do 2008 de todos os estilos,
temáticas, formatos e modelos de produción posíbeis, distribuídas en varios
ciclos. As proxeccións faranse de xeito ininterrompido durante os catro días
de feira e durante todo o horario de apertura.

Falemos de libros. Conversas con autores e autoras en galego
Uns/unhas 50 escritores/as serán entrevistados durante o Cultur.gal 08 por
parte da Asociación de Escritores/as en Lingua Galega (AELG). As entrevistas
serán abertas e emitidas pola rede. Entre os autores e autoras figuran nomes
como Xavier Alcalá, Santiago Jaureguizar, Rosa Aneiros, Yolanda Castaño,
Xurxo Souto, María Reimóndez, Pilar García Negro, Lino Braxe, Antía Otero,
Antón Reixa, Camilo Franco, Bieito Iglesias, Manolo Rivas, etc.

Ademáis haberá unha chea de actividades para os pequenos.

Tedes toda a información neste enlace

Non perdades a oportunidade de achegarvos e coñecer o que este pais é capaz de desenrolar no eido cultural

Xabier Diaz. Xota de Bazal

Para os que non poidechedes ir o mércores, aqui tedes unha mostra do arte de Xabier Díaz e os seus compañeiros

Teatro Perralleiro: Mofa e Befa, e Quico Cadaval

Alasdair Fraser & Natalie Haas: concerto no Teatro Colón

Este venres 24 de outubro as 20.30 horas no Teatro Colón temos unha cita ineludible para os amantes da música celta.

O grande e inigualable Alasdair Fraser, o número un dos violinistas escoceses dará mostras do seu repertorio na nosa cidade.

Para min é un dos mellores músicos do momento neste planeta, e unha oportunidade de acercarse a esta cultura.

Nestes videos poderedes comprobalo





Para comprar as entradas click aqui

Combarro, esa maravilla

Teatro del Andamio: Insumisión

Durante o mes de outubro no noso barrio poderemos desfrutar das obras de teatro que programan nesta sala. Para os rosaleiros é un privilexio contar con este tipo de espectáculos culturais tan preto, e tamén para que outros veciños da cidade achéguense as funcións.

A obra que representan xa desde o venres dia 3 e que continurá nos vindeiros é:

Insumisión

Segundo o argumento, a obra fala da violencia que se xenera no ámbito familiar, e que o fai dende o epicentro do conflicto: a intimidade da parella. O texto conta a historia partindo de dúas premisas. A primeira é que a violencia non aparece explícitamente no texto. Trátase dunha violencia suxerida, subxacente... A tensión dramática crece ao redor desa violencia contida, pero que non estala sobre o escenario. A segunda é que Insumisión non só se articula sobre a dor senón tamén sobre a esperanza, plantexando unha rebelión ante os fíos que nos atan a unha vida desgarrada. Hai saída; é posible facer as maletas é pechar a porta.

Recoméndovos e insístovos en que vos acerquedes ao teatro a desfrutar desta obra. De seguro que Álvaro Guevara e a súa compañía non vos defraudarán.

Para consultar a programación click aquí

Pavarotti, il grande: Nessun Dorma

Nessun dorma! nessun dorma!
tu pure, o principessa,
nella tua fredda stanza
guardi le stelle
che tremano d'amore
e di speranza.
Ma il mio mistero é chiuso in me,
il nome mio nessun saprà!
no, no, sulla tua bocca lo dirò
quando la luce splenderà!
Ed il mio bacio scioglierà il silenzio
che ti fa mia!
Dilegua, o notte!
tramontate, stelle!
tramontate, stelle!
all'alba vincerò!
vincerò, vincerò!
vincerò!


Permíteme el añadido, en este video estaba más joven y por tanto.....