O Teatro Rosalía de Castro acollerá o vindeiro xoves, 15 de maio, ás 20.30 horas, a "Festa da Lingua", un acto festivo que será presentado por Xurxo Souto e que contará coas actuacións das Cantareiras da Ardebullo (Os dous de sempre) e Xavier Díaz Sexteto. A entrada será de balde ata completar o foro de teatro.
O evento, organizado pola Deputación e o Concello da Coruña, con motivo da celebración do Día das Letras Galegas será "unha actividade lúdica e festiva", na que se mesturarán humor e música. O presentador da gala, Xurxo Souto, lerá un manifesto elaborado para a ocasión por Sechu Sende, baixo o título "O camiño da lingua".
Posteriormente, terá lugar a actuación do grupo humorístico "Os dous de sempre", formado por Marcos Pereiro e Xosé Antón Touriñán, na que interpretarán as "Cantareiras de Ardebullo", dúas cantareiras dunha pequena aldea galega que usan a "música tradicional" para parodiar con retranca algunhas situacións do acontecer diario de calquera vila galega. Para rematar o acto, terá lugar a actuación musical de Xavier Díaz Sexteto.
Xabier Díaz (voz e percusións tradicionais) faise acompañar neste espectáculo titulado "Coplas para Icía" por outros músicos contrastados como Pedro Lamas (saxo e gaita) e Suso Iglesias (acordeón). Tamén están presentes Pablo Pérez (contrabaixo), Lucía Martínez (batería) e Iván Costa (zanfona). O concerto combina perfectamente a música tradicional galega con outros ritmos, coma o jazz e mesmo os sons brasileiros.
Escoita facendo click aqui
martes, 13 de mayo de 2008
O Teatro Rosalía de Castro acolle o xoves 15 de maio o espectáculo "A Festa da Lingua"
Suscribirse a:
Enviar comentarios (Atom)
5 comentarios:
Por moito que teñades que facer non volo perdades por nada do mundo.
Escoitar a voz de Xabier e aos seus compañeiros é un luxo, e no Rosalia, unha delicatessen ao alcance de moi poucos. E por riba de balde..., ¿¿¿qué máis podemos pedir??
Se alguén esta interesado en vir hoxe ao concerto desde o barrio das Roseiras, eu teño no meu coche duas prazas baleiras. Sairemos as oito ou asi.
Se queredes enviade un email a duendeymerlin@gmail.com
Recordade que é totalmente gratuito ata encher o aforo
Hoxe eu teño un día moi longo....Longa noite de pedra....
Este mércores 19 de novembro as 22.30 no pub Dublin, Xabier Diaz actuará acompañado de Pedro Lamas e Suso Iglesias.
Eu xa me apuntei á festa, merecemos algo de troula despois de tanto traballo que temos estes días, ou semanas mais ben.
Eu invito a primeira rolda de pintas de cervexa, e o resto xa lle tocará despois.
Saúdos
Vaia peaso de artistas, O Xabier, O Pedro e o Suso Iglesias.
Menudo recital, baseado en cancións tradicionais de Galicia, recollidas polo propio Xabier Díaz por esas aldeas, medio esquecidas, pero cheas de riqueza, e reducidas na sua máis pequena esencia nuns versos ou nunha cantiga, que estes músicos transforman en beleza e emoción.
Teño que admitir que emocioneime este mércores, co poderío da voz de Xabier e as súas variacións para adaptarse a todas as melodías, sen desafinar nen unha soa vez, e co seu esforzo para alcanzar notas imposibeis. Tamén co increible talento de Pedro Lamas e o seu clarinete, que causo sorpresa entre moitos que ainda non o coñecían, e que axudaba a tecer as melodías poñendo o contrapunto axeitado en cada unha de elas. E que dicir de Suso Iglesias e o seu acordeón, marcando o acompañamento, o ritmo axeitado, demostrando unha coordinación perfecta cos seus dous compañeiros.
Hoxe dia 21 de novembre tocan en Bruselas, diante dos emigrantes, e dos europeos e belgas que os queiran escoitare.
Boa viaxe teñades, e mellor estancia por terras de Flandes, querido Xabier e compañía.
Voltade com xeito, que tedes moito traballo en decembro e moitas galas que facer, en Ferrol (dia 4), Barcelona (6,7 e 8), Pontevedra (10,11,12 e 13), Santiago e Narón o 14 (como irá a facer), Valladolid (19), en Bilbao acompañando ao grandísimo Kepa Junquera o 22 e 23, en Cecebre o 26 (cita obrigada para min de novo), e xa en Xaneiro o 26 aquí, na Coruña, no forum metropolitano.
Vaime facendo o carnet de socio.
Saúdos!!
Publicar un comentario